സന്തോഷവും സമാധാനവും നിറഞ്ഞ, വിജയകരമായൊരു ജീവിതം ആഗ്രഹിക്കുന്നവരാണ് നമ്മളെല്ലാം. എന്നാൽ, വളരെ ചുരുക്കം ആൾക്കാർക്കു മാത്രമാണ് അത് നേടാൻ കഴിയാറുള്ളത്. ജീവിതത്തിൽ വിജയിക്കാൻ 10 കാര്യങ്ങൾ പ്രാവർത്തികമാക്കാൻ പറഞ്ഞുതരികയാണ് ലോകത്തിലെ ഏറ്റവും മികച്ച ലൈഫ്കോച്ചുകളിൽ ഒരാളും എഴുത്തുകാരനുമായ റോബിൻ ശർമ്മ.
വാക്കുകളും പ്രവർത്തിയും ഒരുപോലെയാകുന്നത് നിങ്ങളെ വിശ്വസ്തനും ജനകീയനുമാക്കും. ജോലിസ്ഥലത്ത് ഈ ഗുണം നിങ്ങളെ വിജയത്തിലെത്തിക്കും. നിങ്ങളുടെ കരിയറിലെ ഉയർച്ചയ്ക്കും ജീവിതവിജയത്തിനും ഇത് സഹായകമാകും.
ദിവസവും നടക്കുന്നതോ വ്യായാമം ചെയ്യുന്നതോ സ്ട്രെസ് ഇല്ലാതെയാക്കാനും മനസ് റിലാക്സ് ആകാനും ഏറ്റവും നല്ല മാർഗമാണ്. നിരവധി നല്ല ഹോർ‌മോണുകളാണ് ഇതിലൂടെ ശരീരത്തിൽ ഉല്പാദിപ്പിക്കപ്പെടുക.
ചെറിയ പ്രശ്നങ്ങളിൽ കുരുങ്ങിക്കിടക്കാതെ കാര്യങ്ങളെ വിശാലമായി കാണാനും സന്തോഷത്തോടെയിരിക്കാനും ശ്രദ്ധിക്കണം.
എന്തെങ്കിലും ചെയ്യുമ്പോൾ 100 ശതമാനം ആത്മാർത്ഥയോടെ തന്നെ ചെയ്യുക. ഇത് നിങ്ങളെ സംതൃപ്തിയുള്ളവരാക്കുകയും ഭാവിയിൽ ഒരുപാട് ഗുണകരമാകുകയും ചെയ്യും.
വായനയ്ക്ക് നിങ്ങളുടെ വിജ്ഞാനം വർ‌ധിപ്പിക്കുക എന്നതുൾപ്പടെ നിരവധി നല്ല ഗുണങ്ങളുണ്ട്. നിങ്ങളുടെ കാഴ്ച്ചപ്പാട്, പദസമ്പത്ത്, ഭാഷയിലുള്ള വൈദഗ്ധ്യം തുടങ്ങിയവയൊക്കെ മെച്ചപ്പെടും. അതുകൊണ്ടുതന്നെ ദിവസവും ഒരു മണിക്കൂർ വായനയ്ക്കായി മാറ്റിവെക്കുക.
ഇന്നിൽ ജീവിക്കാൻ ശീലിക്കുക, ഭാവിയ്ക്കായി പ്രവർത്തിക്കുക. കഴിഞ്ഞുപോയ വിഷമതകളെ ചികയാൻ നിൽക്കാതിരിക്കുക. നിങ്ങളെ ദ്രോഹിച്ചവരോടും പൊറുക്കാനും ക്ഷമിക്കാനും പഠിക്കുക. ഇത് നിങ്ങളുടെ ഉയർച്ചയ്ക്ക് വളരെയധികം ഗുണം ചെയ്യും.
അതിരാവിലെ ഉണർന്നെണീക്കാൻ ശീലിക്കുക. ഇത് നിങ്ങളെ മറ്റുള്ളവരെക്കാൾ മിടുക്കരാക്കും. ധ്യാനിക്കാനും പ്രാർ‌ഥിക്കാനും ആ ദിവസം പ്ലാൻ ചെയ്യാനുമൊക്കെ അതിരാവിലെ കഴിയുന്നതിലൂടെ നിങ്ങൾ കൂടുതൽ മികച്ചവരാകും.
അവരവരെക്കുറിച്ച് സംസാരിക്കാൻ ഏറെ താല്പര്യപ്പെടുന്നവരാണ് നമ്മളിലധികവും. എന്നാൽ, മറ്റുള്ളവരെ കേൾക്കാൻ ഇഷ്ടപ്പെടുന്നവർ വളരെ കുറവാണ്. വ്യക്തിജീവിതത്തിലായാലും പ്രൊഫഷണൽ ജീവിത്തതിലായാലും മറ്റുള്ളവരെ ക്ഷമയോടെ കേട്ടിരിക്കാൻ ശീലിക്കുക. ഒരു വ്യക്തിയെന്ന നിലയ്ക്ക് നിങ്ങളുടെ വളർച്ചയ്ക്ക് ഇത് ഗുണം ചെയ്യും.
പ്രശ്നങ്ങളുണ്ടാകുമ്പോൾ അവയിൽ നിന്നോടിയൊളിക്കാതെ നേരിടാൻ ശീലിക്കുക. ഒന്നുകിൽ ആ പ്രശ്നത്തിന് മികച്ചൊരു പരിഹാരം നിങ്ങൾക്ക് കണ്ടെത്താൻ സാധിക്കും. അല്ലെങ്കിൽ, ആ പ്രശ്നത്തിൽ നിന്ന് മികച്ചൊരു ജീവിതപാഠം നിങ്ങൾക്കു ലഭിക്കും. രണ്ടായാലും നിങ്ങൾക്കു ഗുണകരമായേ തീരൂ.
നിങ്ങൾ ചെയ്യാൻ ഭയക്കുന്ന കാര്യത്തെ ചെയ്തുകൊണ്ടുതന്നെ വരുതിയിലാക്കുക. കംഫർട്ട് സോണിൽ നിന്ന് പുറത്തുകടന്ന് റിസ്ക് എടുക്കാൻ തയ്യാറായാൽ മാത്രമേ ജീവിതത്തിൽ വിജയിക്കാൻ കഴിയൂ.